ILOILO CITY – Nagatunog subong ang espekulasyon nga may yara sang indi pag-intindihanay sa tunga sang actress nga si Heart Evangelista kag sang iya bana nga si Sen. Francis Chiz Escudero.
Ini matapos ginkakas na ni Heart ang apelyido nga Escudero sa iya Instagram account.
May isa man ka post si Heart nga wala na siya sang ginasuksok nga wedding ring.
Madamo man ang nakamutik nga wala nagakadlaw si Heart kag daw kaangay nga wala sa mood sang nagtambong sa Thanksgiving Gala Night sa iya gintambungan nga event sa diin kaupod man niya ang senador.
Sa subong, pareho nga masako ang mag-asawa sa diin si Sen. Chiz ang nagatutok sa iya trabaho matapos nagbukas ang 19th Congress kag si Heart naman ang nagatambong sa nagkalain-lain nga Fashion Show.
Halangpon naman sa subong ang pagpabilin nga mahipos ni Heart sa isyu nila nga mag-asawa.
