Emosyonal nga gindepensahan ni Heart Evangelista ang iya kaugalingon sa tunga sang mga kritisismo nga iya nabaton kaangot sa iya nga lifestyle kag pag-absent sini sa rally kontra kurapsyon sang Domingo, Septyembre 21.
Pahayag sang model-actress, wala siya sa protesta bangud sa mga pamahog nga iya nabaton nga ubahan siya kun magkadto siya sa rally. Ginpamangkot sini ang publiko kun ano ang iya nahimo nga sala nga amo sini ang kaugot sa iya.
“Why wasn’t I in the rally? You think I don’t want to be in the rally? You think I don’t have a voice? You think I’m not frustrated? Pikon din naman ako ah. Bakit, di ako Pinoy? I’m not in the rally is because a lot of people said na huhubaran niyo ako kung pupunta ako sa rally. How cruel can you be? What did I do?” kabahin sang iya sabat.
Ginbalikan man sini nga 13-anyos pa lang siya, naga-obra na siya nga buot silingon 27 ka tuig na siya nga naga-trabaho sang wala-untat nga nagakahulugan nga madamo siya sang napalampas nga oportunidad kag na-miss nga mga normal nga parte sang kabuhi.
“When you start coming for my professional integrity, I crumble into pieces because we all have dreams. I have been working since I was 13 years old. That’s 27 years of working non-stop,” suno sa iya. “I missed a lot of opportunities in life. I missed having normal friends; I missed having a lot of high school friends. I didn’t go to prom because I worked.”
Pahayag sini, daw kaangay nga nadula lang ini tanan nga pinangabudlayan bangud gina-target siya bilang asawa sang pulitiko.
Dugang pa niya: “So my number one power was my job. My number one power was [that] I can be my own woman, I can stand on my own two feet, I don’t need anybody,” she said. “That’s why I am so upset that you come for my professional integrity… I went to work every goddamn day, and I am proud of what I am today.”
Dugang ni Heart, bangud sa sini nga isyu sa kurapsyon sa pungsod, nag-desisyon siya nga indi anay magtambong sa anuman nga mga show sa Fashion Week.
Sa mga alegasyon naman batok sa iya, nagpaandam ini nga magapasaka sang kaso batok sa mga nagahigko sang iya pangalan: “I have been having meetings with my attorney, and definitely I will not take it sitting down what some people have been saying about me, not even allegedly.”
Nag-umpisa ini nga isyu sang naglupok ang kontrobersiya sa flood control projects scandal kag gin-isa-isa sang mga netizen ang lifestyle sang mga pamilya sang mga pulitiko kag kontraktor.
Ang bana ni Heart nga si Senator Francis “Chiz” Escudero ang ginkakas bilang Senate President.
Nadiskubrehan man nga ang isa sa campaign donors sini sang 2022 senatorial elections amo si Lawrence Lubiano nga amo ang presidente sang Centerways Construction and Development Incorporated nga isa sa top contractors sang flood control projects sang Department of Public Works and Highways (DPWH). Mismo si Lubiano ang nag-ako sa pamangkot ni Akbayan Rep. Chel Diokno nga nakahatag siya sang P30-million kay Escudero sang nagligad nga kampanya.
