Nagapang-apat ang Filipino socialite-artist nga si Heart Evangelista sa top 20 global celebrities sa fashion and sportswear sandig sa latest report sang Launchmetrics Insights sa fashion marketing.
Ini isa ka cloud-based performance benchmarking software nga nagpaguwa kahapon sang “Reinventing Influence: The Gen Z Impact on Fashion Marketing” report nga ginalantaw ang evolution sang fashion kag sportswear sa nagliligad nga tinuig kag ang pag-ilis sang nawong sang koneksyon kag impluwensya sa kalibutan.
Sa “Top 20 Celebrities Globally for all Fashion & Sportswear Segments,” Rank 4 ang Pinay actress nga asawa ni Senate President Chiz Escudero nga may total nga $85 million ukon P4.98-billion sa Media Impact Value (MIV) sang 2023.
Ini nga value suno sa Launchmetrics amo ang nagatugot sa brands nga maka-kuha sang monetary value sa post, interaction, ukon article sang celebrity ukon influencer kag gina-measure ang impact sini kag gina-identify ang contributions sa brand performance.
Nagapang-siyam naman ang Filipina-Australian host-actress nga si Anne Curtis nga may MIV nga $55 million ukon P3.2-billion.
Nagapanguna sa lista ang Indian actress nga si Avneet Kaur; ginasundan sang Dominican rapper nga si Anuel; South Korean boy band nga Enhypen; ang ang nagasunod kay Heart amo ang South Korean boy band nga NCT.
