Ginkakas sa puwesto ang hepe sang Philippine National Police – Highway Patrol Group (PNP-HPG) Investigation Management Division bangud sa pagkastigo sa isa ka patrolman sa sulod sang Camp Crame.
Suno kay HPG Director PBrig. Gen. Hansel Marantan, ginahanda naman ang kaso nga administratibo kag criminal batok sa nasambit nga hepe nga may ranggo nga colonel.
Nakuhaan sang video ang pagkastigo, pagtaya sang pusil kag pagpahog niya sa biktima.
Ginpahayag nga natabo ang insidente sang Disyembre 16 sang gab-i pagkatapos sang ila nga Christmas Party.
Suno sa biktima, halos 30 minutos siya nga ginkastigo sang hepe.
Gin-alegar naman sang suspek nga masami siya ginabastos sang biktima.
Ginpanginwala naman sang biktima ang alegasyon sang suspek.
