ILOILO CITY–Nagpaathag ang hepe sang Guimbal Municipal Police Station tuhoy sa natabo nga pagasakit ni 1st District Cong. Richard Garin kay PO3 Federico Macaya.
Sa exclusive interview sang Bombo Radyo kay Police Senior Inspector Antonio Monreal Jr., iya ginpahayag nga nagasimpatiya siya sa kay PO3 Macaya apang wala lang niya ginapakita ang iya matuod nga nabatyagan.
Sa pagkamatuod suno kay Monreal, wala siya sang may gingabot nga armas-luthang bangud nga yara ini nakasulod sa bag ang iya service firearm.
Ginpahayag ni Monreal nga iya gid nga gintinguhaan nga patung-an ang magtimbang nga bahin apang wala niya ginlauman nga tuman ang kaakig ni Cong. Garin.
Indi suno sa iya mapunggan ang mamalidha rason nga todo man ang iya nga pagpahangop sa opsiyal tuhoy sa natabo sa kaso sang SK Kagawad kag sa anak ni SB Member Gil Gegato.
Ginpahayag ni Monreal nga indi siya makahulag bangud nga ginatayaan sila sang  mag-amay nga Garin sang pusil.
Bilang hepe, kasubong nga ginakumos ang iya dughan bangud nga wala gid siya sanga may nahimu agud nga pangapinan ang iya tinawo.