Suspendido ang isa ka intelligence police chief nga nakabase sa Oriental Mindoro bangud sa pagpahog sa isa ka abogado.
Ang pulis amo si Lt. Col. Jaypee De Guzman, hepe sang Provincial Intelligence Unit (PIU) sang Oriental Mindoro Provincial Police Office.
Siya ang gindagdagan sang 60 ka adlaw nga suspensyon matapos mapamatud-an nga guilty sa Conduct Unbecoming of a police officer kag Grave Irregularity in the Performance of Duty kaangot sa R.A. 6713.
Ang duwa ka mga kaso-administratibo batok kay De Guzman ang gikan sa mga reklamo sang PNP kag ni Atty. Josef Albert Comilang, officer-in-charge sang National Prosecution Service sang Department of Justice nga nakabase sa San Pablo City, Laguna.
Sa statement nga ginpagwa ni Comilang, iya ginsaysay nga sang gab-i sang Pebrero 13, 2025, nakabaton siya sang tawag sa telepono halin kay De Guzman nga nagasiling nga gina-verify sang PNP ang amo nga abogado.
Namangkot si Comilang kay De Guzman kun ngaa gina-verify ini kag ginsabat siya sang pulis nga ini bangud nga naga serbe ini nga legal counsel sa mga tawo nga may drug cases.
Bangud sa pahayag ni De Guzman, nagtuga ini sang dako nga kakulba kag kahadlok para sa iya kabuhi kag sang iya pamilya.
