Gin-relieve sa pwesto ang hepe sang Pavia Municial Police Station nga si Police Major Harold Rendora kag temporaryo nga magaserbe bilang Officer in Charge (OIC) si Police Major Dadje Delima nga chief man sang Iloilo Provincial Drug Enforcement Unit (PDEU).
Sa interview sang Bombo Radyo kay Police Major Dadje Delima, iya ginpahayag nga nakabaton siya sang verbal instruction gikan kay Iloilo Police Provincial Office (IPPO) Director Police Colonel Bayani Razalan nga temporary nga i-oversee ang Pavia Municial Police Station.
Suno kay Delima, wala pa siya sang order ukon mandu nga ginakaptan kag ang hingyo lamang sa iya ni Col. Razalan amo ang mag-oversee sang talatapan.
Ginpahayag man sini nga subong mismo nga gab-i masugod siya pungko bilang OIC sang Pavia PNP.
Nagalaum naman si Delima nga makadugang-istorya kay Razalan agud maplastar ang mga plano kag masunod nga mga tikang.
Sa subong, padayon pa nga ginahibalo kay Razalan kung ano ang posible rason sa pag-relieve sa nasambit nga pulis.
