ILOILO CITY — Ginsabat na ni PCI Aldrin Lamera ang mga akusasyon kag kaso nga ginpasaka batok sa iya sang Non Uniformed Personnel (NUP) kag suportado sang 32 ka mga kapulisan sa Police Station Number 1 sang Iloilo City Police Office.
Suno kay PCI Aldrin Lamera, natingala ini kun ngaa ginbalik naman sang mga ini ang amu nga akusasyon matapos sang isa ka bulan bangud yara na ini sa Grievance Committee.
Nagapati ini nga nagsugod ang pagsunggod sang iya nga mga tinawo sang ginhalin ang kwarto nga ginpahamtangan sang mga ini bangud indi ini presentable para sa mga bisita nga nagapadulong sa istasyon.
Gin-aku man sini nga iya ginguba ang door knob sang isa ka hulot bangud wala ini nabuksan kag kinahanglanon na sini ang dokumento.
Ginpanugyanan man sini ang iya mga tinawo nga indi magpa-late agud temprano pa ini mabuksan bangud nahuya ini para sa mga bisita nga nagapanuktok pa.
Magluwas sini, ginpa-utod man sini ang internet bangud masami sini nga nagaka-abtan nga nagalantaw sang movies kag naga facebook lang ang mga pulis sa tion sang pagtrabaho.
Gin-athag naman sini nga iya na ini ginpabalik basta wala lang sang may magfacebook sa tion sa pagtrabaho.
Pahayag pa sini,handa ini nga pagasabton ang kaso nga ginasaka batok sa iya.