Hepe sang Police Station Number 1 sang ICPO nag-atubang na sa NAPOLCOM

ILOILO CITY —Nag-atubang na kaina sa National Police Commission (NAPOLCOM) Region 6 si PCI Aldrin Lamera.
Ini ang angot sa panumbongon nga ginpasaka batok sa iya sang Non-Uniformed Personnel sang Police Station Number 1.
Sa interview sang Bombo Radyo kay Allen Camiring, pre charge investigator kag Information Officer sang NAPOLCOM Region 6, ginpahayag sini, magluwas sa panumbongon batok sa iya, ginpaasbat man kay Lamera ang mga irregularities nga ginpalab-ot sa talatapan sang NAPOLCOM kag mga police anomalies.
Suno kay Camiring, magadepende naman sa sabat ni Lamera ang mangin pamat-ud sang NAPOLCOM.
Gin-athag ni Camiring nga ang una nga kaso sang NUP nga ginpasaka batok sa kay Lamera ang yara na sa Regional Office kag yara na sa pre-charge status.