ILOILO CITY – Sa pinakauna nga beses, ginsabat sang actor kag senatorial candidate nga si Herbert Bautista ang nangin pahayag sang iya anay kahagugma nga TV host-actress nga si Kris Aquino.
Suno sa aktor, dako ang respeto niya sa iya ex nga nagikan sa Tarlac subong man sa pamilya sini.
Sa ginpatigayon nga campaign rally sang UniTeam sa Tarlac City, ginsinggit sang crowd ang pangalan sang iya anay nobya nga si Kris sang ngagwa ini sa stage.
Suno kay Herbert, nakita niya ang babayi nga iya gusto nga pakasklan sa Tarlac apang wala nagmadinalag-on ang ila relasyon.
Apisar nga indi sigurado si Herbert nga siya ang ginatumod ni Kris, ginpahayag sini nga magapabilin ang iya pagpalangga sa anay nobya bilang isa ka abyan.
Naghatag man ini sang mensahe sa iya anay nobya nga magpa-ayo na kag magkaon sang maayo.
Kung madumduman, sa ginpatigayon nga campaign rally ni Vice President Leni Robredo sa Tarlac, nagpaandam si Kris sa mga supporters nga indi gid magboto sa iya ex bangud wala niya natungdan ang iya mga promisa.
