ILOILO CITY – Ginakampanya sang Heritage Professionals ang pagtib-ong kag ang pagpabilin sang kinaandan nga pagluto sang Ilonggo cuisines.
Sa Good Morning Philippines program, ginpahayag ni Marie Joy Rosal Sumagaysay, Heritage Professional kag manunudlo sa University of the Philippines – Miagao, nga dapat nga mapabilin ang orihinal nga pamaagi sa pagluto sang Ilonggo cuisines kasubong sang Linagpang, Tinuom, Sinugba kag Sapal.
Suno kay Sumagaysay, magluwas sa Ilonggo Heritage, dapat man nga ipabilin ang Chinese Heritage Food kasubong sang Pancit Molo, Lumpia, Empanada kag Panara nga dapat mapanubli sa mga ulihing tubo.
Ginpahayag ni Sumagaysay nga sa subong, nagagamay na lang ang mga eskperto sa pagluto sang Food Heritage kag nagadamu ang mga pagkaon nga impluwensya sang dumuluong.
Ang Ilonggo cuisines ang may yara sang madamo nga sahi kasubong sang Fiesta foods, Chinese foods, Sea foods, Rural ukon Country Cooking, Kakanin kag Western Foods nga para sa iban, makabig nga simple, mananam, sampat kag may paghigugma.
