ILOILO CITY – Ginsabat na sang comedienne actress turned beauty queen nga si Herlene Budol sa likod sang indi malipayon nga expression samtang nga ginakoronahan bilang Miss Philippines Tourism sa Miss Grand Philippines 2023 coronation night.
Si Nikki De Moura nagikan sa Cagayan de Oro City ang nagdaog sang Miss Grand Philippines 2023 title sa finals night.
Suno kay Herlene, nabatyagan niya nga nauyang lamang ang iya nga potential.
Ang sabat ni Herlene ang nag-angkon naman sang mixed reactions nagikan sa mga netizens kag ang iban diri ang naga-suporta kag naga-remind sa iya nga mangin grateful nalang sa nadag-an nga title.
Antes ang coronation night, madamo na sang nag-react sa playful approach sini sa Question-and-Answer portion sang Miss Grand Philippines 2023 press presentation kun sa diin, nagtaas ang kilay sang mga pageant enthusiasts kag netizens.
Gilayon nga nagpangayo sang pasaylo si Herlene kag nagpabutyag nga seryoso ini sa pag-intra sa pageant.
Magluwas sa Miss Philippine Tourism 2023 title, nakuha man ni Herlene ang first runner-up placement sa Binibining Pilipinas pageant sang 2022.
