Gina-agda ang tanan nga mga interesado nga indibidwal nga magtambung sa isa ka virtual activity nga Farms and Industry Encounters through Science and Technology (FIESTA) sa mga native chickens.
Ini nga FIESTA ang patigayunon sa sulod sang halos isa ka bulan.
Magasugod ini sa Abril 19 kag makatakop sa Mayo 6.
Ang tinutuyo sang amo nga aktibidad agud nga mapakita, ma-promote kag ma disseminate ang mga teknolohiya kag commercialization sang mga native chickens.
Sa interview sang Bombo Radyo kay Dr. Ricky Becodo, technology transfer coordinator sang Western Mindanao Agriculture, Aquatic and Natural Resources Research and Development Concortium (WESMAARRDEC), iya ginpahayag nga ang native chicken production ang mahimo nga pagkakitaan nga wala nagakinahanglan sang dako nga kapital.
Suno kay Becodo, ila pagatutokan sa amo nga mga aktibidad ang development sang tatlo ka breed sang native chickens: Darag, Zampen kag Boholano.
Yari ang pagpasunod sang mga aktibidad;
- Abril 12- opening program kag launching sang virtual FIESTA exhibits kag contests
- Abril 19- patigayunon ang technology virtual forum sa mga native chicken (ini ang mahimo malantaw live sa ila social media platforms)
- Abril 26- ipakigbahin ang pila ka mga success stories kag testimonials sang native chicken raisers.
- Mayo 4- patigayunon ang Technology Pitching and Business Matching (diri pagadiskusyunan ang inclusive kag sustainable business initiatives)
- Mayo 6- closing kag awarding ceremonies.
May yara man sang iban pa nga mga aktibidad ang patigayunon kaangay sang poster making contest, native chicken advocay competion via tiktok, cooking kag branding contest nga mahimo gid pasakupan sang tanan.
Sa mga interesado nga magpakigbahin kag magtambung sa amo nga mga aktibidad mahimo nga magpakig-angut sa numero nga 09086774377.
