Wala gihapon sang medalya ang Team Philippines sa patag sang weightlifting sa 33rd Southeast Asian (SEA) Games sa Thailand.
Ini matapos nagpang-apat ang labing-una nga Olympic gold medalist sang pungsod nga si Hidilyn Diaz sa iya nga division nga women’s 58kg weightlifting event.
Nag-rehistro ang Tokyo Olympic champion sang 90kg lift sa snatch apang sa clean and jerk, na-clear sini ang 110kg antes napaslawan nga mahakwat ang 115kg kag 116kg.
Nanguna si Natasha Beteyob sang Indonesia (98kg snatch), kag ginsundan nanday Yodsarn Suratwadee sang Thailand (96kg), kag Thi Tam Quang sang Vietnam (96kg) sa clean and jerk.
Nagtapos si Diaz nga 4th overall nga may total nga 200kg.
Una na nga nagpahayag ang Olympian nga mabudlayan siya nga makuha ang gold medal bangud indi na pareho sang una ang iya preparasyon bilang atleta subong. Magluwas sa iya sport, masako man ang 34-anyos nga weightlifter sa iban nga mga aktibidad kaangay ang fundamental culinary course.
Sang 2023 SEA Games sa Cambodia, wala naka-compete si Diaz bangud mas ginpili sini ang Asian Championships.#
 Games sa Thailand.){kind=link}