Wala pa sang desisyon si Tokyo Summer Games gold medalist Hidilyn Diaz kun bala magapartisipar siya sa 5th Olympics sa Paris sa 2024.
Sa subong, nakatutok anay si Diaz sa pagpakigbahin sa SEA kag Asian Games apang indi pa niya mapat-od kun maga-upod siya sa national team sa World Championships sa Tashkent, Uzbekistan sa Disyembre 7 tubtob 17.
Suno sa Olympic gold medalist, padayon kag adlaw-adlaw sa gihapon ang iya nga training sa coach nga si Julius Naranjo kag nagalaum nga makabalik sa Malaysia agud nga makahanda para sa World Championships apang indi mangin madasig ang pagproseso bangud sa travel protocols.
Gina-ko ni Diaz nga yara sa iya paminsaron ang Paris apang nakadepende sa iya qualifying process kun masarangan sini ang masunod nga Olympics.
