Gintu-ad sang isa ka military medical officer nga kalabanan sa mga katapo sang Philippine Army ang nagasuprer sang hypertension ukon high blood.
Sa interview sang Bombo Radyo kay Major Angela Mae Mabalot, Medical Officer sang 3rd Infantry Division sang Philippine Army, iya ginpahayag nga ang hypertension ang isa lamang sa mga ‘common’ nga condition nga ginabatyag sang katapo sang Philippine Army.
Suno kay Mabalot, isa sa factor kon ngaa nagasuprer ang mga suldado sang amo nga sakit bangud man sa nature sang ila trabaho.
Ginpahayag man sini nga kalabanan sa suldado nga operating officers ang nagakaon sang ‘preserved food’ kaangay sang mga can foods nga masami man ginabalon kon sila ang may misyon.
Limitado man sila sa malimpyo nga tubig-ilimnon kag kon ano lamang ang available, amo lang man na ang ila mainom.
Rason man nga malapit ang mga suldado nga mag-angkon sang hypertension ukon high blood.
