ILOILO CITY – Gintingob sa isa lang ka selda ang mga high profile inmates sa Iloilo District Jail (IDJ) sa Barangay Nanga, Pototan, Iloilo.
Suno sa jail warden nga si Jail Supt. John Montero sa interview sang Bombo Radyo, mando ini sang Bureau of Jail Management and Penology (BJMP) national office.
Special treatment suno kay Montero ang seguridad sang nasambit nga mga preso bangud guwardiyado ang mga ini kag may CCTV ang selda.
Ginpasiguro naman ni Montero nga matutukan ang mga ini kag indi magkinagamo apisar nga magkaribal ang nasambit nga mga preso nga ginakabig sang BJMP nga “high risk prisoners”.