MANDURRIAO, ILOILO CITY – Arestado ang isa ka high value individual sa sa drug buy bust operation sa Brgy. Bakhaw, Mandurriao, Iloilo City.
Ini amo si Bienvinido Berbal, 41, residente sang Brgy. Ungka, Jaro, Iloilo City.
Sa interview sang Bombo Radyo kay Police Captain Val Allan Cambel, hepe sang Mandurriao Police Station, iya ginpahayag nga nabaklan si Berbal sang police poseur buyer sang 60 grams sang suspected shabu balor P408,000.
Suno kay Cambel, ginabaligya ni Berbal ang iligal nga droga sa probinsya sang Iloilo.
Nakapalagyo naman ang upod sini nga isa ka babaye sang ginpatigayon ang operasyon.
Sa subong, preso na ini sa Mandurriao Police Station kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
