JORDAN, GUIMARAS – Dakop sa drug buy bust operation ang isa ka durugista sa Jordan Wharf sa probinsya sang Guimaras.
Ang subject amo si John Alfred Lacson, 20 anyos sang San Miguel, Jordan, Guimaras.
Sa interview sang Bombo Radyo kay Police Captain Bonifacio Aral Jr., officer in charge sang Jordan Municipal Police Station, iya ginpahayag nga natigayon nga madakop si Lacson pinaagi sa gintingob nga pwersa sang Jordan PNP, Philippine Drug Enforcement Agency (PDEA)-Guimaras kag Intelligence Division sang Guimaras Police Provincial Office (GPPO).
Suno kay Aral, namutikan sang subject nga pulis ang nagtransaksyon sa subject sa diin nagdalagan ini agud nga makapalagyo.
Ginlagas pa sang mga kapulisan si Lacson kag natigayon nga madakop kag nakuhaan sang lima ka sachet sang suspected shabu, isa ka sachet sang buy bust item kag P500 nga buy bust money.
Dugang pa sang pulis, nakaai na preso si Lacson bangud man sa droga kag makabig na ini nga High Value Target.
Sa subong, magapangatubang sa kaso nga paglapas sa Section 10 kag 11 sang Republic Act 9165 ukon Comprehensive Dangerous Drugs Act ang nasambit nga subject.
