ILOILO CITY – Nag-surrender ang high value target no. 2 sang Iloilo City Police Office kag tinawo sang ginpatay nga drug lord nga si Melvin Odicta Sr.
Sa interview sang Bombo Radyo Iloilo, ginpahayag ni Michael Hansilan nga ang pag-surrender sini ang bangud sa Oplan Double Barrel sang Philippine National Police.
Gin-ako ni Hansilan nga tinawo siya ni Odicta apang ginpanginwala ang kaangtanan sa iligal nga droga.
Suno kay Hansilan, car wash boy lang siya sang pamilya Odicta kag gusto limpyuhan ang iya ngalan bangud sa pagpasibangud sa iya nga sa likod sang pila ka kaso sang pagpatay.
Si Hansilan ang nagpatay sang isa ka pulis sa Negros Occidental apang nakapiyansa samtang may ginpatay man ini sa banwa sang Pavia, Iloilo.