Ginpaidalom na sa highest – level fire alert ang Southern California para sa ginakabig nga “extremely critical fire conditions” sa tunga sang nagapadayon nga wildfire sa California, USA.
Ini bangud sa mabaskog nga hangin nga labi pa nga nagapadako sang kalayo ka nagapadasig sang paglamon sini sa mga propedad sa Greater Los Angeles area.
Ang wildfire nagpatay na sang indi magnubo sa 24 ka tawo kag nagsunog sang masobra 16,000 ka ektarya sang mga komunidad kag masobra 12,300 structures.
Ginapatuman gihapon ang evacuation orders para sa 92,000 residents sang Los Angeles, kag 89,000 ang yara sa evacuation warning zones, nga nagakahulugan nga possible kinahanglan nila nga magbiya diri ano man nga oras.
Nagdeklarar na ang Los Angeles County sang public health emergency bangud sa aso kag particulate matter nga mahimo magtuga sang immediate kag long-term threats sa ikaayong lawas.
