Ginabanta 3,000 tubtob 4,000 ang ‘highest peak’ sang mga pasahero ang nagpadulong sa Ceres Terminal subong nga adlaw, Oktubre 31 agud nga magpauli sa ila tagsa ka banwa kadungan sang Pista Minatay.
Sa interview sang Bombo Radyo kay Alfonso Miguel Lenard Tan, Emergency Medical Services Chief, iya ginpahayag nga yara sa all alert status ang ila talatapan subong agud tutokan ang pagdaguso sang mga pasahero nga magapauli sa ila probinsya.
Suno kay Tan, nagbutang naman sila sang medical station sa mga terminals agud nga masigurado nga gilayon matatapan ang mga may emergency concerns.
Giunpahayag man sini nga sa subong, wala pa sang na-record nga major cases nga ila ginrespondehan.
24/7 naman nga naka-standby ang ila mga personnel subong nga pista minatay.
