Iloilo – Magahiwat sang Necrological service ang himata sang Ilongga overseas Filipino worker nga napatay sa magnitude 7.8 nga linog sa Turkey.
Ini apisar nga wala ang bangkay sini.
Ang napatay amo si Rosemarie Ga, residente sang Barangay Daragan, Buenavista, Guimaras.
Sa interview sang Bombo Radyo kay Pastor Winston Ga, hinablos ni Rosemarie Ga, iya ginpahayag nga pagahiwaton ang necrological service para sa iya tiya sa Pebrero 19 sa Daragan Terminal Baptist Church sa Buenavista, Guimaras.
Suno kay Pastor Ga, ini agud nga dumdumon ang nabilin nga memorya kag mahatagan sang serbisyo sa ulihi nga palahuwayan ang iya tiya.
Matandaan nga si Ga ang isa sa duha ka mga narekord nga Pilipino nga napatay sa Turkey.
Sa subong, indi pa maathag kun ipadala sang embahada sang Pilipinas ang bangkay ni Ga ukon ilakip sa mass grave sa Turkey.
