ILOILO CITY – Wala sang ihibalo ang himata sa rason sang paghikog sang 20 anyos nga solterito sa Brgy. Dungon B, Jaro, Iloilo City.
Sa interview sang Bombo Radyo kay Lola Aurora, lola sang biktima nga si alyas Toto, iya ginpahayag nga nasapwan na lang niya nga nagabitay ang biktima sa kusina sang ila balay gamit ang cable wire.
Suno kay Lola Aurora, antes pa man ang insidente, wala siya sang may namutikan nga lain sa biktima nga isa ka mabuot nga sahi sang apo.
Ginpahayag ni Lola Aurora nga nagbakasyon lang sa ila balay ang biktima nga tumandok sang Roxas City, Capiz.
Gindala pa sa hospital ang biktima apang gindeklarar nga dead on arrival.
