ILOILO CITY–Patay ang hinablos matapos ginluthang sang iya tiyo sa Brgy.  Ungka 1, Pavia, Iloilo.
Ang biktima ang ginkilala nga si Epifanio Gengaray, 30 anyos samtang ang suspek naman ang ginkilala nga si Tomy Canja, 25 anyos sang Brgy. Supanga, Calinog, Iloilo apang temporaryo nga naga puyo sa nasambit nga lugar.
Sa interview sang Bombo Radyo kay PO3 Rolando Arellano Jr. imbestigador sang Pavia Municipal Police Station, iya ginpahayag nga nagpadulong sa balay sang biktima ang live-in partner sang suspek.
Sang nakapauli na ang babayi, ginhambalan sang biktima si Canja nga palayuan na ang iya live-in partner.
Dugang pa sang imbestigador, pagkagab-i, ginkadtuan ni Canja ang biktima nga si Gengaray sa balay kag ginluthang.
Nahibaluan nga nagahigda na ang biktima kag ang iya pamilya sang nagluntad ang pagpangluthang.
Mapalaron naman nga wala naulamid ang pamilya sang biktima.
Nakaangkon naman sang igo sa likod kag naglapos sa atubang sang lawas ang biktima tuga sang dedose nga pugakhang.
Wala naman mahibalu-an sang otoridad kun sa diin na ang suspek.