ILOILO CITY – Ginpugutan sang ulo sang tiyo ang kaugalingon nga hinablos sa Barangay Alojipan, Culasi, Antique.
Ang biktima ginkilala nga si Dionito Abello, 40, sang Barangay Esparagoza, Tibiao, Antique.
Sa interview sang Bombo Radyo kay PO2 John Galan sang Culasi PNP, ginpahayag sini nga hubog ang biktima sang nagpadulong sa balay sang tiyo agud bun-on ang pakaisa sini.
Ginbalabagan ini sang tiyo nga si Antonio Escote, 61, sang Alojipan, Culasi kag isa ka mangunguma.
Apang imbes magpamati, gintuyo pa sang biktima nga sudlon ang balay agud patyon mismo ang tiyo rason nga ginlabo ini sang suspek gamit ang bitbit nga binangon.
Naghisugot naman ang duha ka pamilya nga aregluhon na lang anbg kaso.
Nahibaluan nga ang biktima ang may record na kag ginapahayag nga nakapatay sang 11 ka tawo.