Gindepensahan ni House Speaker Ferdinand Martin Romualdez ang quad committee ukon mas kilala nga quad comm sa tunga sang mga pagpang-atake kag pagpakamalaot nga naangkon sini samtang padayon ang hearings sa Duterte drug war kag sa ginaalegar nga extrajudicial killings.
Sa iya nga speech sa pagbukas sang session sa Kamara, ginpahayag ni Romualdez nga magapanindugan ang mga kongresista kag indi magpadala-dala sa pressure ukon anuman nga pagpang-atake.
“The quad-committee’s hearings have heightened public awareness, fostering a deepened commitment to transparency and accountability,” pahayag sini.
“We reaffirm our commitment to this duty. We are here to do the work without fear or favor, on a mission to uncover the truth, no matter how uncomfortable it may be for some,” dugang sini. “We understand that this journey will not be easy and that standing for what is right often means standing against the tide. But history has shown us, time and again, that no force can stand against the truth for long.”
Nagpaandam man ang house speaker nga indi magmadinalag-on ang sin-o man nga nagatuyo nga punggan ang pagtul-id sa kamatuoran kag pagpangita sang hustisya.
“Sa mga nagtatangka na pigilan tayo sa paghahanap ng katotohanan at katarungan, isa lamang ang sasabihin ko sa inyo: hindi kayo magtatagumpay sa masamang hangarin Ninyo,” pahayag sini nga ginpalakpakan naman sang iban nga mga mamalidha.
May mga nagakwestyon kun ano gid ang tuyo sang imbestigasyon sang quad comm kag may mga nagasiling man nga may lamod-pamulitika ini ilabi na bangud malapit na ang eleksyon.
Apang depensa ni Romualdez, yara sila para sa mga tawo kag para ini sa kamatuoran.
“We will not yield to intimidation or pressure. We will not be swayed by the attacks hurled against us. Instead, we will press on with even greater resolve, knowing that the people are behind us, that history will remember our courage, and that our efforts are guided by the principles of justice and integrity,” suno sa house speaker.
“Dahil unti-unti na nating nakikita ang liwanag at katotohanan, asahan natin na lalo pang titindi ang pag-atake sa ating institusyon. Subalit hindi tayo matitinag. Hindi tayo papayag na muling bumalik ang panahon ng kadiliman at kasamaan,” kabahin pa sang speech.
Maga-resume ang hearings sang quad comm sa Huwebes kun sa diin gin-imbitaran liwat nga magtambong si former President Rodrigo Duterte.
Wala pa ini sang pormal nga sabat kun magakadto siya sa hearing, apang kun matandaan, sang una siya nga ginpadal-an sang sulat sang Oktubre 18, nagpamalibad siya bangud malain ang iya pamatyag kag short notice apang nagpasalig nga handa siya magkadto pagkatapos sang Nobyembre 1.
Una na nga nagtambong si Duterte sa hearing sang Senado sang nagligad nga semana nga naglawig sang masobra walo ka oras kun sa diin lakip sa nahambalan amo ang death squad kag ang iya pag-ako sang responsibilidad sa drug war campaign.#
