Ginpadayaw ni President Ferdinand ‘Bongbong’ Marcos, Jr. nga ang iya mga kandidato sa pagka-senador ang wala nagasalig sa iligal nga industriya kaangay sang Philippine Offshore Gaming Operators (POGO.)
Kadungan ini sa iya speech sa pagpangampanya sang Alyansa Para sa Bagong Pilipinas sa Dumaguete, Negros Oriental, Pebrero 20.
Pahayag sang chief executive, ang POGO ang nangin breeding ground para sa krimen sa pungsod.
Ginpasalig sini nga ang ila nga solusyon amo ang disente nga trabaho kag sweldo kag suporta sa magagmay nga mga negosyo.
“Sa ekonomiya at trabaho, hindi natin kailangan umasa sa ilegal na industriya tulad ng POGO na naging pugad ng krimen, naging pugad ng karahasan,” suno kay Marcos. “Ang solusyon ay tunay na trabaho, disenteng suweldo, at suporta sa maliliit na negosyo.”
Nahibaluan nga gin-mandu na sang presidente ang pag-ban sa POGO sa Pilipinas, apang may mga report gihapon nga naga-operate pa ini nga industriya kaangay sang pagpakuno-kuno nga business process outsourcing firms ukon call center agud nga makapadayon sa ila nga operasyon kag mga krimen.
