Nagapati si former presidential spokesperson Atty. Harry Roque nga protektado siya kag indi siya maaresto sang Philippine authorities samtang yara siya sa Netherlands.
Gindagdagan sang korte si Roque sang arrest warrant bangud sa kaso nga qualified human trafficking. Didto siya subong sa Netherlands kag nag-apply na para sa asylum.
Kagab-i naman sang gindala pabalik sa Pilipinas ang anay congressman nga si Arnie Teves matapos ini gin-deport sang Timor Leste government. Siya ang ginatudlo nga prime suspect sa Degamo massacre sang 2023 sa Pamplona, Negros Oriental.
“Sa isipan ng mga bangag, gusto nila ako na ang sumunod…. Hindi po mangyayari yun,” suno naman kay Roque.
Nahibaluan nga naghulag na ang Department of Justice agud makanselar ang passport ni Roque. Nag-hingyo naman ang CIDG sa Interpol nga mag-isyu sang red notice.
Ginapanginwala naman sang former palace official ang mga akusasyon sa iya nga naangot siya sa iligal nga POGO — bagay nga suno sa iya pagpanghingabot lamang sang Marcos administration bangud loyal siya sa mga Duterte.#
