ILOILO – Gin-aprobahan ni Iloilo Gov. Arthur Defensor Jr. ang hingyo sang AirAsia Inc. nga makapadayon sang commercial domestic flights sa Iloilo International Airport.
Ini ang kasunod sang promisa sang nasambit nga airline nga magpasa sang kopya sang passenger manifest sa provincial government, 24 oras antes ang flight agud mahatagan sang tion ang mga local government units nga makapreparar sang quarantine facilities.
Ang inbound flights sa Agosto 3 kag 10 ang magakarga sang pasahero kag cargoes samtang ang inbound flights sa Agosto 2 kag 15 ang magakarga lamang sang cargoes.
Ang outbound flights naman ang magakarga sang pasahero kag cargoes.
