ILOILO CITY- Wala ginpasugtan sang Iloilo City Government ang hingyo sang mga vendors sa syudad sang Iloilo nga makabalik temporaryo sa mga sidewalks agud makabaligya subong nga tion sang Paskwa.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga nahigot ang syudad sa mando sang Department of Interior and Local Government sa diin ginpahugtan pa gid ang clearing operation sa mga dalan.
Apang suno kay Conlu, may yara na sila sang ginadihon nga long term nga plano para sa mga vendors agud nga mabuligan nga mapaayo ang ila sitwasyon kag indi mamierdehan sa ila negosyo.
Ginpahayag ni Conlu nga nagpakigsapol sila sa Department of Interior and Local Government tuhoy sa mga city roads kag mga buildings nga pwede mahatag sa mga vendors agud maplastaran sa diin ginlantaw nga posibilidad ang pagtukod sang night market ukon bazaar para sa mga vendors.
