Posible nga magtaas ang kilay mo sa imo mabasahan subong.
May yara sang isa ka amay sa China nga ginsabotahe ang relasyon sang iya anak kag nobya sini para lang nga makuha niya ang babaye kag mapakaslan ini.
Ini nga amay amo si Liu Liange, former Chairman sang Bank of China.
Siya ang kilala na sa China sa iya pagkaagresibo sa mga bataon nga mga babaye.
Sa pagkamatuod, humalin sang nagbulagay sila sang iya asawa, tatlo ka beses na ini nga nagpakasal sa mas bataon kag gwapa nga mga dalaga.
Sang adlaw naman nga ginpakilala sa iya sang iya anak ang nobya sini kag ginsugid ang plano nila nga magpakasal, didto man nahulog ang buot sang amay sa nobya sang iya anak.
Ang iya ginhimo, ginpakalain niya ang babaye kag ginpilit ang iya anak nga bulagan ini.
Kag natuman gid man ang plano sang amay bangud nagbulagay ang anak sini kag ang nobya.
Didto na ginpangaluyagan sang amay ang ex- girlfriend sang iya anak.
Agud lip-uton ang istorya, isa ka adlaw, ginkakibot na lang sang anak sang gindala sang iya amay ang babaye nga pakaslan sini kag amo na ini ang anay nobya sang makaluluoy nga anak.
Bangud indi makapati ang anak nga ang iya nobya ang mangin stepmother niya, na-depress ini kag naospital.
Para sa amay naman, nakuha man niya ang babaye apang ginkarma naman ini bangud sa pila ka mga kaso nga ginpasaka sa iya kaangot sa iya mga ginhimo nga anomaliya sa kompaniya nga iya ginpamunuan sadto.
