Indi tanan masadya ang paskwa bangud may ara man sang iban nga may ginabatyag nga “holiday blues”.
Sa interview sang Bombo Radyo kay Francis Ray Subong nga isa ka licensed guidance counselor, iya ginpahayag nga ang holiday blues ang tuga sang madamo nga factors kaangay sang environmental factors.
Suno kay Subong, kasubong sang nagalamig nga panahon, malamig man ang balatyagon.
Ini bangud nga nangin mabudlay ini nga tuig para sa kadam-an bangud may yara sang nadulaan sang palangga sa kabuhi, nadulaan sang obra, nakaeksperyensiya sang breakups, kag may ginaatubang nga problema pinansiyal.
Panugyan niya, para mabatuan ang ginabatyag nga holiday blues, masami magkadto sa sagwa kag magbonding kaupod ang mga barkada, mangita sang bag o nga kalingawan kag indi pagkalimtan ang self-care.
Pananglitan nga ini nga balatyagon ang magalawig, mas maayo nga magdangop sa eksperto agud mahatagan sang nagakaigo nga pagtatap.
