ILOILO CITY – Ginmandu ni Mayor Geoffrey Alonsabe sang banwa sang Alimodian, Iloilo sa mga otoridad nga patyon ang mga drug personalities nga magbato sa mga otoridad.
Suno sa alkalde, mas makapaayo kun madula na sa kalibutan ang mga drug personality kaysa makapanghalit pa sa iban nga tawo bangud sang iligal nga droga.
Apang dapat nga ipaagi ini sa lehitimo nga operasyon.
Suno pa kay Mayor Alonsabe, kinahanglan ang maid-id nga pagmonitor kun may nagaduso sang iligal nga droga sa iya banwa.
Kinahanglan nga mangin vigilant ang mga pumuluyo suno sa alkalde, agud mapabilin nga drug free ang Alimodian.