ILOILO CITY – Gin-turnover sang isa ka tampad nga Ilonggo sa Bombo Radyo ang iya nakit-an nga wallet sa sulod sang ginsakyan nga taxi halin sa Tagbak Terminal pakadto sa Atria sa distrito sang Mandurriao.
Suno kay Alex Provido, ginpakamaayo nila nga dal-on sa Bombo Radyo ang nakit-an nga wallet nga may IDs, papeles kag ATM cards nga nakapangalan kay Joe Orbillo Ordaniel sang Sara, Iloilo tungod wala sang contact number nga nalakip sa amo nga wallet.
Ginpili naman nila sang iya asawa nga sa istasyon na sang Bombo Radyo isipon ang unod nga kwarta sang wallet agud indi madudahan.