Gin-file ni Senator Risa Hontiveros ang isa ka resolusyon agud nga imbestigaran sa Senado ang ginaduso nga pagtukod sang Pax Silica Industrial Hub.
Sa idalom sang Senate Resolution No. 563, ginaduso nga usisaon ang mga report nga mahimo magresulta ang proyekto sa pagpahalin sang mga residente kag magaapekto man sa ila palangabuhian.
Suno kay Hontiveros, kinahanglan mahibaluan kun ang Pax Silica Initiative magahatag gid sang benepisyo sa mga Pilipino sa nasyonal kag lokal nga lebel.
Ang Pax Silica isa ka inisyatibo nga ginapangunahan sang Estados Unidos nga nagalakip sang plano nga makapangganyat sang daku nga investments, makahatag sang ginatos ka libo nga trabaho, kag himuon ang Pilipinas nga sentro sang advanced manufacturing kag emerging technologies sa rehiyon.
Sa pihak sang promisa nga ini, nagpahayag sang kabalaka ang senador sa posible nga pagpahalin sa mga Aeta kag mga komunidad sang mga mangunguma. Sila amo ang nagapuyo sa sulod kag sa palibot sang ginaduso nga 4,000-acre nga tukuran sang proyekto sa Luzon Economic Corridor.
“News reports and warnings by advocacy groups point to the looming displacement and disruption to the livelihood of people living within and outside the project area—with the Bases Conversion and Development Authority itself reportedly preparing relocation and employment opportunities for Aeta and farmer communities,” suno sa senadora sa amo nga resolution.
Bisan ginaduso sang administrasyon ni Presidente Ferdinand Marcos Jr. ang proyekto, kinahanglan anay nga maathag suno kay Hontiveros ang posible sini nga sosyal, ekonomiko kag pangkalibutanon nga epekto sa mga apektado nga komunidad.
“Unemployment and underemployment persist as structural conditions of the Philippine labor market, and the prospect is real that Filipino workers will be engaged to develop and train the very artificial intelligence systems that may in time displace them from their occupations,” pahayag sini.
Nagpaandam man si Hontiveros nga bisan ginasiling nga magadala ang Pax Silica sang madamo nga trabaho, posible man nga sa ulihi mawad-an sang obra ang mga Pilipino bangud sa artificial intelligence nga ila mismo ginbuligan sa pagpatuman.
“We cannot evaluate an investment based on its headline value alone. The Philippines needs capital with purpose—investment that creates decent jobs, strengthens local industries, protects communities and the environment, and safeguards our digital security and national sovereignty,” dugang pa sini.
