Ginlaragway ni Senator Risa Hontiveros nga makatingalahan nga ang ang pugante nga Chinese nga naangot sa Philippine Offshore Gaming Operators (POGO) operations sa Bamban, Tarlac ang nakit-an nga naga-istar sa balay ni former presidential spokesperson Harry Roque.
Ini ang ginpahayag sang senadora sa diin ginpakigbahin ini ang red notice sang International Criminal Police Organization (Interpol) kay Sun Liming, nga gin-tag bilang “fugitive wanted for prosecution.”
“Hindi lang basta-bastang Chinese ang nagtago sa sinasabing bahay ni Harry Roque. Itong si Sun Liming ay bigating pugante na nasa Red Notice ng Interpol. Kaya nakapagtataka na sa dami ng bahay sa Pilipinas kay Roque pa talaga napunta ang pugante.”
Sang nagligad nga Senate hearing, gin-ako ni Roque nga siya ang incorporator sang kumpaniya nga nagapanag-iya sang balay sa Tuba, Benguet sa diin duha ka foreigners ang ginapatihan nga naangot sa POGO ang naaresto.
Ginpakigbahin man sini ang impormasyon halin sa Presidential Anti-Organized Crime Commission sa diin nasaad nga si Sun Liming ang nagserbe nga IT manager sang Lucky South 99, ang gin-raid nga POGO firmsa Porac, Pampanga.
Ang nasambit nga POGO firm amo man ang ginbuligan ni Roque sa paghitso sang ila utang sa PAGCOR.
Kun matandaan, ginbulgar ni PAGCOR Chairman Alejandro Tengco sa Senate hearing nga gin-updan ni Roque si Kassandra Li Ong, ang authorized representative sang Lucky South 99, sa isa ka meeting kaupod niya sang Hulyo 2023 agud ipalab-ot ang wala nabaydan nga mga arrears kag license reapplication sang POGO firm.
Ginrason naman ni Roque nga gin-updan lang iya si Ong bangud siya ang corporate secretary sang Whirlwind Corporation, isa sa mga kliyente sini.
Ang Whirlwind ang lessor sang Lucky South 99.
“Nakakabahala ang dami ng mga dayuhang kriminal na sa bansa dahil sa POGO. While a ban was already announced, we in the Senate need to craft measures to ensure that this industry never comes back again.”
