Ginbuyagyag ni reelected Senator Risa Hontiveros nga nakig-istorya siya kay Senator Aquilino “Koko” Pimentel may kaangtanan sa pagtukod sang minority bloc sa Senado.
Sa 12 ka newly-elected senators, si Hontiveros lang ang nagaisahanon nga kandidato nga nagikan sa oposisyon nga nagdaog matapos nakakuha sang 15.4 million votes.
Suno pa kay Hontiveros, nakig-istorya man siya sa iban nga mga senador magluwas kay Pimentel.
Gin-athag man sini nga one-on-one talks pa lang ini subong kag exploratory.
Nagalaum man ang reelected senator nga ang minority bloc sa incoming 19th Congress ang magapadayon nga mangin matuod kag epektibo nga minority.
