Liwat nga magapaidalom sa quarantine ang aktres kag host nga si Ruby Rodriguez lakip man ang iya bana kag mga kabataan.
Ini matapos nga maka close contact nila ang utod ni Ruby nga si Dr. Sally Gatchalian nga nagtaliwan bangud sa COVID-19.
Nahibaluan nga si Dra. Gatchalian ang ika-siyam nga doktor nga napatay bangud sa COVID-19.
Suno kay Ruby, natapos na kun tani ang isa ka semana nila nga quarantine period apang bangud sa close contact nila sa iya nga utod gin-extend ini sang isa pa ka semana.
Paagi naman sa social media sang aktres, ginpalab-ot niya ang iya ulihi nga mensahe sa iya nga utod nga may caption nga ‘I love you so much my big sister’.
