ILOILO CITY – Positibo nga ginbaton ni Iloilo City Councilor Alan Zaldivar, chairman sang Committee on Health sa Sangguniang Panlungsod ang suhestyon sang Bombo Radyo Iloilo nga magbutang sang hotline number nga mahimo malab-ot sang mga tawo nga nagabatyag sang depresyon ukon mental health problem sa syudad sang Iloilo.
Sa interview sang Bombo Radyo kay Zaldivar, iya ginpahayag nga tipunon niya ang mga guidance counselors, psychologists kag iban pa nga mga propesyonal agud nga ma istoryahan ang madata nga kaso sang suicide.
Suno kay Zaldivar, plano man niya nga istoryahon si Iloilo City Mayor Jerry Treñas kun may ihatag ini nga mangin hotline number nga mangin dalangpan sang mga tawo nga may mental problems.
Panugyan sang konsehal sa mga ginikanan, bantayan ang ila mga kabataan kag hibaluon ang ila mga aktibidad.
Nahibaluan nga base sa rekord sang Iloilo City Police Office, may yara na sang 16 ka mga biktima sang suicide sa syudad sa diin 14 diri ang patay kag duha ang nakasalbar.
