ILOILO CITY – Nagpanawagan ang House of Representatives sa Commission on Elections nga magpatigayon sang special election agud nga mabuslan ang bakante nga posisyon nga ginbilin sang ginpahalin nga si Negros Oriental 3rd district Rep. Arnolfo Teves, Jr.
Gin-adoptar sang Kongreso ang Resolution 1212 nga gin-introduce nanday House Speaker Martin Romualdez, Majority Leader Manuel Jose Dalipe, kag Minority Leader Marcelino Libanan.
Sa amo nga resolution, nakasaad nga may bakante sa House of Representatives, ilabi na ang Representative para sa Third Legislative District sang Province of Negros Oriental kasunod sang pagsipa kay Teves bangud sa iya disorderly behavior kag paglapas sa Code of Conduct sang House of Representatives.
Ginbasehan sang house resolution ang paragraph 2 sang Section 4 sang Republic Act No. 7166 ukon ang The Synchronized Election Law of 1991 kun sa diin nakasa-ad diri nga sa tion nga may yara sang permanent vacancy sa Senate ukon House of Representatives sang at least isa ka tuig antes ang expiration sang termino, ang Comelec ang magapatawag kag magapatigayon sang special election agud nga mabuslan ang vacancy sa indi magnubo sa 60 ka adlaw kag indi maglapaw sa 90 ka adlaw pagkatapos nga nagbakante ang posisyon.
Si Teves ang ginsipa pinaagi sa historic 265-0-3 vote, kasunod sang ginhingyo niya nga political asylum sa Timor Leste, ang padayon nga pag-absent kag ang indi maayo nga paminatasan sa social media.
Si Teves ang may nabilin pa nga masobra 22 ka bulan antes ini ginsipa sa iya ikatatlo kag katapusan nga termino bilang mamalidha.
Gin-akusaran man ini nga amo ang mastermind sa pagpatay sa iya kontra sa pulitika nga si former governor Roel Degamo.
