MANILA– Ginpagwa sang House of Representitives ang ‘corrected’ nga numero sang pagbinotohay nga ginhimo sa pagpasar sang House Bill 6875, nga may tinutuyo nga amyendaran ang anti-terrorism law sang pungsod.
Sa ginpatigayun nga plenary session, gin-anunsyo ni Deputy Speakeer Aurelio Dong Gonzales, nga ang Anti-Terrosism Act of 2020 ang nakaangkon sang 168 ka mga nagpabor, 36 ang negative votes, samtang 29 naman ang nag-abstain.
Samtang, nagpaathag man ang isa ka mamalidha nga wala siya nalakip sa mga nagco-author sa amo nga house bill.
Suno kay Biñan City Laguna representative Len Alonte Naguiat, nagsala lang sa paglista ang House Committee on Public Order and Safety sang iya ngalan nilang co-author sang hagna.
Ginklaro man ni Antique Representative Loren Legarda nga indi man siya co-author sang Anti Terrorism Act, kag ‘No’ang iya nangin boto para sa ginaduso nga hagna sang iya mga kaupdanan.
