Nag-isyu na sang subpoena ang House Agriculture and Food Committee sa apat ka tag-iya sang warehouse sa pungsod agud mahibaluan kun ngaa may natabo nga shortage sa bombay kag kun ngaa may pagsaka sa presyo sini halin sang Septyembre tubtub Disyembre 2022.
Si Quezon Representative Jayjay Suarez nga naghimo sang motion nga mag-isyu sang subpoena batok kanday Aleli Lopez sang Tian Long Trading, Elmer Francisco sang Royal Cargo, Renato Francisco sang Yom Trading, kag William Lim sang Morehouse Marketing.
Ginpasar sang panel ang motion matapos ginsiling sang panel chairperson nga si Quezon Rep. Wilfrido Enverga nga wala nagapakita ang warehouse owners sa committee hearings sa onion supply apisar makapila na ka beses nga gin-imbitar.
Nag-ugyon man mangin si Iloilo First District Representative Dr. Janet Garin sa obserbasyon ni Suarez nga dapat ipaathag gid sang warehouse officials should kun ngaa may shortage sa last quarter sang 2022.
“If you don’t unload the supply, we will have to import a lot… The Department of Agriculture and the Department of Trade and Industry should be able to stop collusion between the traders,” pahayag sang mamalidha. ##
