Nakatalana nga mag-publish ang House Quad Committee sang isa ka “progress report” base sa 12 ka malawig nga hearings nga naga-tackle sa mga extrajudicial killings (EJK), makatalagam nga mga droga, kag mga ilegal nga aktibidad nga may kaangtanan sa Philippine Offshore Gaming Operators (POGOs).
Si Panel chairperson Robert Ace Barbers nagsiling, sa tion nga maaprubahan sang plenaryo, ang partial report iga-isyu antes ang Kamara sang mga Representante mag-adjourn para sa Christmas break sa Disyembre 18.
Nagahanda ang panel sang progress report sang mga outputs ukon mga produkto sang 12 ka mga hearing nga ginhimo sa QuadComm kag ireport sa publiko.
Ang QuadComm ginabug-usan sang mga House committees on dangerous drugs, public order and safety, human rights, kag public accounts.
Sa nagligad nga 12 ka mga hearings sang komite halin sang Agosto, si Barbers nagsiling nga may kabug-usan nga 18 ka mga hagna ang ginhimo bilang “remedial measures” sa pagpabakod sang mga polisa kag pagpugong sang kaanggid nga mga krimen nga matabo.
Suno kay Barbers, isa pa ka QuadComm hearing ang natalana sa masunod nga Huwebes, kag ang mga hearing magapadayon sa masunod nga tuig sa tion nga magbalik ang sesyon sa Enero.
