ILOILO CITY– Nakakuha sang suporta gikan sa Visayas si House Speaker Alan Peter Cayeteno may kaangtanan sa isyu sang prangkisa sang giant TV network nga ABS-CBN.
Suno kay Cebu Representative Vincent Frasco, suportado sang 48 ka mamalidha gikan sa Visayas si Cayetano.
Ginpahayag ni Frasco nga ginatahod niya si anay Negros Occidental Representative Alfredo Benitez apang bilang chairman sang Visayas Development Committee, solid ang ila suporta sa House Speaker.
Nahibaluan nga ginaduso ni Cayetano nga magpadayun sa pag-operate ang nasambit nga TV network tubtob sa Mayo 4, 2020 sa idalom sang provisional authority.
