Ginpasiguro ni House Speaker Faustino ‘Bojie’ Dy III, nga padayon nga magahulag ang House of Representatives of the Philippines agud mapamag-an ang epekto sang tensyon kag giyera sa Middle East sa ekonomiya sang Pilipinas.
Suno sa Speaker, bisan malayo sa pungsod ang kinagamo, mabatyagan gihapon sang mga Pilipino ang epekto sini labi na ang pagsaka sang presyo sang gatong.
Nagadala man ini sang pagmahal sang pamasahe, pagkaon kag iban pa nga mga nagpanguna nga kinahanglanon sang mga Pilipino.
Ginatun-an man ni Dy nga itulod sang Kamara, kaupod sang ehekutibo nga sanga sang gobyerno, ang mga priority bills kag mga tikang agud mapanubo ang epekto sang pagsaka sang presyo sang gatong para sa mga mangunguma, commuters kag mga magagmay nga negosyante.
Dugang pa sang Speaker, padayon nga tutukan sang Kongreso ang mga polisa nga magapabakod sa ekonomiya kag magaproteher sa palangabuhian sang mga pumuluyo.
Ginsiling man ni Dy nga pareho sa mga nagligad nga krisis nga nalampuwasan sang pungsod, malampuwasan man sang mga Pilipino ang ini nga krisis subong.
