Ginkumpirma ni House Speaker Faustino “Bojie” Dy nga naghangyo na siya sang bulig sa Department of Justice (DOJ) agud kaselaron ang pasaporte sang nag-resign nga anay Ako Bicol Partylist Representative Zaldy Co, sa tunga sang padayon nga imbestigasyon sa ginapahayag nga korapsyon sa mga flood control projects.
Suno kay Speaker Dy, gilayon siya nga nakig-angut kay Justice Secretary Jesus Crispin Remulla nga subong amo na ang Ombudsman sang adlaw nga nagbuya sa puwesto si Co, Setyembre 29.
Ginpanugyan ni Dy nga ginhimo niya ini agud istriktuhan ang posibilidad nga makabiyahe si Co sa guwa sang pungsod samtang ginahimo ang imbestigasyon.
Ginklaro man ni Dy nga bisan pa wala sang hurisdiksyon ang DOJ sa pag-kansela sang pasaporte, ginpangayo lang niya ang assistance sang ahensya para sa angay nga mga tikang.
Ginpasiguro naman ni Remulla nga magahimo gilayon sang mga kinahanglanon nga lihok ang DOJ para mapadasig ang proseso.
