ILOILO CITY–Ginbisitahan ni House Speaker Gloria Macapagal-Arroyo ang mga proyekto nga ginpatuman sa Rehiyon 6 sang siya ang nagaserbe pa nga presidente sang pungsod.
Una nga nagpadulong si Arroyo sa Bacolod City sa diin iya ginbisitahan ang Bacolod-Silay Airport.
Sunod nga ginpadulungan ni Arroyo amo ang Dumangas Port sa Dumangas, Iloilo kag ang Iloilo International Airport sa Cabatu-an, Illoilo.
Mismo ang mga local officials sa pagpanguna ni Gov. Arthur Defensor Sr. ang nagpanguna sa pag abi-abi sa House Speaker.
Sa interview sang Bombo Radyo kay Arroyo, iya ginpahayag nga daku na ang “improvement” sa ekonomiya sang Iloilo ipanggid sang una.
Sa subong suno kay Arroyo, nagakinahanglan man nga pasangkaron ang pantalan kag ang paluparan agud nga maka-baton sang mas madamu nga pasahero.
Bilang House Speaker suno kay Arroyo, luyag man niya nga may yara sang “expansion” nga patigayunon sa mga nasambit nga proyekto para sa kaayuhan sang Iloilo.
Sa pihak sini, iya naman nga ginatugyan kag Presidente Rodrigo Duterte ang tuhoy diri.