Nagapanawagan si House Speaker Martin Romualdez sang mas mabaskug nga aksyon kag kooperasyon sang mga pungsod batok sa nagadako nga peligro sang artificial intelligence (AI) nga ginahimo nga palaagyan sa pagpalapnag sang disinformation, impluwensya sa politika, kag paghina sang mga demokratiko nga institusyon.
Ginpabutyag ni Romualdez ang kabalaka sa ginatawag niya nga “unseen battles” sa ginpatigayon nga 29th Parliamentary Intelligence-Security Forum (PI-SF) sa Madrid nga ginadumalahan paagi sa data manipulation, cyberattacks, kag AI-generated nga propaganda.
Suno kay Romualdez, sa subong nga panahon nga ginapangatubang misinformation, cyber warfare, kag disturbo nga dala sang AI, mas kinahanglan ang pagbinuligay kag pagbantay sang mga demokrasya.
Ginpabutyag man sang lider sang Kamara ang nangin papel sang Pilipinas sa pagpanguna sang resolusyon sa 45th ASEAN Inter-Parliamentary Assembly nga naga-agda sang mga miyembro nga estado sa pagpatuman sang koordinasyon nga estratehiya para sa responsable nga paggamit sang AI,
Ginhatagan man sang igtalupangod ni Romualdez nga nagakadapata magapabilin nga instrument sang progreso ang mga digital nga teknolohiya, kag indi mangin rason sang pagbinahin-bahinay.
