ILOILO CITY — Nagapati si House Speaker Representative Martin Romualdez nga malapit sa mga Ilonggo si First Lady Liza Araneta-Marcos.
Sa interview sang Bombo Radyo kay Romualdez, iya ginpahayag nga isa ka pagpakita sang oportunidad ang pagpadulong sang first lady sa Iloilo City agud magpakita sang suporta sa proyekto sang gobyerno nga 15-storey Medical Arts and Multi-Specialty Tower sa West Visayas State University Medical Center.
Suno kay Romualdez, importante ang mga Ilonggo sa first lady sa diin isa man ka pagpakita sang kahigayunan agud nga makapalapit ang mga local government officials’ para sa masunod nga mga proyekto.
Ginpahayag man sang house speaker nga ang presensya sang first lady sa syudad ang isa ka tion agud mapasangkad pa ang pag-uswag sang City of Love.
Matandaan nga kahapon nga adlaw, nakaupod nanday Iloilo City Mayor Jerry Treñas kag Lone District Representative Jamjam Baronda si First Lady Liza Marcos sa mga personal nga nagtambong sa groundbreaking sang P3.2 billion nga proyekto.
